إيڤا برس – متابعات:
كشفت ريم طارق زوجة الفنان حسن شاكوش آخر تطورات الأزمة بينهم ،مؤكدة انها ليست المرأة الاولى التى يستولى حسن شاكوش على حقوقها فقد استولى على العديد من حقوق الفتيات من داخل وخارج مصر من قبل، حيث اكدت ان شاكوش قام بطرد والدها من مسكن الزوجية.
وفتحت ريم النار على زوجها مطرب المهرجانات الشعبية، مطالبة إياه بتحديد ما هي علاقتهما، وهل تم طلاقها رسميا أم لا، بجانب حديثها عن زيجتها السابقة.
وقالت في بث عبر حسابها الشخصي بموقع انستجرام: “لو طلقتني عرفني، علشان أقول للناس السبب اللي خلاك تخطبني وتقول عايز بنت الجيران اللي مابتسبش فرض، اللي سجدت شكر لله، مؤكدة أن ما حدث مع شيخ العرافين في برنامج “العرافة” مع الاعلامية بسمة وهبة، كان حقيقي”.
وتابعت: “الفكرة كلها ان أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان أخد هدومي وحاجتي ورحت امبارح مع بابا، ووقف بره بعد ما حسن شاكوش طرده، وأهله وصلوا بعد نص ساعة، كدة كدة مش هينفع أعيش مع واحد مهددني بالقتل، وحلقة (شيخ العرافين) كل اللي اتقال فيها صدق وأنا اللي اتضحك عليا”.
وواصلت”: “أهله على راسي بس هم كانوا مهددني، واثبت ده في محضر في القسم، والتمكين أنا خدته، ومكنش ينفع أرجع لأن أهله كانوا في البيت، طلعت على القسم وعملت محضر، وروحت النهاردة الصبح البيت عشان معايا تمكين ومفتاح البيت، ولقيت الأمن بيقولي أستاذ حسن مش جوة ومنعرفش إنك اتمكنتي، والنجدة جاتلي وهو امتنع عن تنفيذ قرار النيابة وحكم المحكمة وكلم أمن الكامبوند وقال لهم تطلع على القسم وتروح تشوف لها حل مش هتخش، ولما جت النجدة قالوا له ان هو امبارح قالهم أنا طلقتها، وهي ملهاش تمكين، وحتى لو طلقني لي شهور عدة 3 شهور، والتمكين مش معناه اني أعيش معاه”.
وتابعت: “هو ممتنع إنه يديني حاجتي حتى لبسي وورق القائمة والمؤخر، وهو اختلطت عليه الأمور أنه هيعرف يعمل كدة مع مين، أنا من بعد ما فتحت الأكاونت ده وصل لي من كذا بلد إن بنات متاخد منها حقوقها وفلوسها وهدايا ألماظ وسيارات وورق عرفي، عملت كل ده مع الناس دي عشان مكنش الكلام بينكم رسمي، من المغرب والجزائر ودبي والكويت والتجمع، الناس مستوية منك”.
بيان